కదాచి త్కాళిన్దీ తటవిపినసఙ్గీతకపరో - ముదా గోపీనారీ వదనకమలాస్వాదమధుపః
రమాశమ్భుబ్రహ్మా మరపతిగణేశార్చితపదో - జగన్నాథః స్వామీ నయనపథగామీ భవతు మే || ౧ ||
భుజే సవ్యే వేణుం శిరసి శిఖిపింఛం కటితటే - దుకూలం నేత్రాన్తే సహచర కటాక్షం విదధతే
సదా శ్రీమద్బృన్దా వనవసతిలీలాపరిచయో - జగన్నాథః స్వామీ నయనపథగామీ భవతు మే || ౨ ||
మహామ్భోధేస్తీరే కనకరుచిరే నీలశిఖరే - వసన్ప్రాసాదాన్తస్సహజ బలభద్రేణ బలినా
సుభద్రామధ్యస్థ స్సకలసురసేవావసరదో - జగన్నాథః స్వామీ నయనపథగామీ భవతు మే || ౩ ||
కథాపారావారా స్సజలజలదశ్రేణిరుచిరో - రమావాణీసౌమ స్సురదమలపద్మోద్భవముఖైః
సురేన్ద్రై రారాధ్యః శ్రుతిగణశిఖాగీతచరితో - జగన్నాథః స్వామీ నయనపథగామీ భవతు మే || ౪ ||
రథారూఢో గచ్ఛ న్పథి మిళఙతభూదేవపటలైః - స్తుతి ప్రాదుర్భావం ప్రతిపద ముపాకర్ణ్య సదయః
దయాసిన్ధు ర్భాను స్సకలజగతా సిన్ధుసుతయా - జగన్నాథః స్వామీ నయనపథగామీ భవతు మే || ౫ ||
పరబ్రహ్మాపీడః కువలయదళోత్ఫుల్లనయనో - నివాసీ నీలాద్రౌ నిహితచరణోనన్తశిరసి
రసానన్దో రాధా సరసవపురాలిఙ్గనసుఖో - జగన్నాథః స్వామీ నయనపథగామీ భవతు మే || ౬ ||
న వై ప్రార్థ్యం రాజ్యం న చ కనకితాం భోగవిభవం - న యాచే౽ హం రమ్యాం నిఖిలజనకామ్యాం వరవధూం
సదా కాలే కాలే ప్రమథపతినా చీతచరితో - జగన్నాథః స్వామీ నయనపథగామీ భవతు మే || ౭ ||
హర త్వం సంసారం ద్రుతతర మసారం సురపతే - హర త్వం పాపానాం వితతి మపరాం యాదవపతే
అహో దీనానాథం నిహిత మచలం నిశ్చితపదం - జగన్నాథః స్వామీ నయనపథగామీ భవతు మే || ౮ ||
ఇతి శ్రీ ఆది శఙ్కరభగవ్త్పాదాచార్య కృత జగన్నాథాకష్టకం